正所謂馬路如虎口，馬路上任何事情都要份外小心！近日網上流傳影片見到有不良於行嘅駝背伯伯，扶著車仔作柺杖危站馬路中央截的士，見到都覺得危險！幸好一名好心嘅司機停車「護航」，畀其他車龍自動兜開走，該司機最後更落車幫伯伯截的士，備受網民激賞。
事緣上周五下午約四時半，在長沙灣道鄰近貿易廣場，伯伯走至馬路中央曾成功攔截到一部的士，當伯伯坐上的士後，無奈又被的士司機叫走。
後來司機果斷下車，扶著該老伯到馬路邊截的士，起初一部的士停下，但未幾又駛走，據事主表示：「我揮手就即刻衝過嚟，點知一見到老人家就即刻冚旗唔做生意。」事主繼續有耐性地替老伯截的士，最後成功截到並扶老伯上車。
好人好事實在值得表揚！感激司機哥哥仗義行為，善心幫助伯伯，見證人間有愛！
原圖：頭條日報
https://hd.stheadline.com/news/realtime/hk/2338220/
投票已截止，多謝支持
返回
