新一屆立法會與別不同，除咗係完善選舉制度後嘅首屆議會，更重要嘅係從此大會會議廳將長期懸掛中國國徽，除咗令會議廳更為莊嚴，最重要嘅係話畀全世界喺背後妄想借香港打擊中國大陸嘅勢力聽，呢度係中國人嘅地方，應當由中國人話事！

因種種歷史原因，香港作為特別行政區，喺祖國關照下一直享有與別不同嘅特殊地位，無論係回歸前回歸後，多年嚟一直深受祖國恩惠，可惜過往有一少撮人竟將呢一切當係理所當然，有乜嘢唔高興就想搬「一國兩制」、「高度自治」出嚟耀武揚威，多年來得意忘形，最終演變成黑暴亂港，一發不可收拾。

殊不知呢種人卻忘記咗，先有「一國」後有「兩制」，「自治」並唔代表「獨立」，香港特殊地位由國家所賦予，而香港係中國不可分割一部份亦都係鐵一般嘅事實！任由外國反華勢力如何操縱、任由黃黑暴份子如何搗亂，五星紅旗仍然會喺香港呢片屬於中國嘅土地上飄揚！

如今黑暴已平，香港社會回歸安定，立法會重新出發，將中國國徽高懸在特區區徽之上，無形向所有人宣示：「香港係中國人地方，永遠由中國照住」！

原圖：星島日報、文匯報

https://std.stheadline.com/realtime/article/829930

https://www.wenweipo.com/a/202201/03/AP61d2e8c1e4b0b6fdd2c248f4.html