廣播處長李百全上任後大刀闊斧，為香港電台帶嚟全新氣象，港台終於真正成為香港人嘅電台，廣大市民亦都唔需要再忍受各種對中港政局冷嘲熱諷、於黑暴橫行之時喺香港人傷口上撒鹽嘅反中亂港節目。

改革前嘅港台獨根深種，黃主持輩出，幾乎絕大部份嘅節目都不堪入目，常被質疑有失中立，甚至係偏頗報道；好彩李百全嘅「小李飛刀」例不虛發，先後將唐若韞、利君雅、曾志豪、等黃到出汁嘅主持統統out晒出局，先令港台重光，有機會盡其公共廣播機構嘅社會責任。

眼見黃主持先後執包袱走人，筆者本以為港台上下已經浴火重生，估唔到偏偏忘記咗一隻……唔係，係一個人。近日一篇報道驚醒夢中人，有指港台電視部公共事務組削減、調動人手，向來喜歡於《城市論壇》之上針對建制人士、偏幫黃友嘅前主持人蘇敬恆正是其中之一。

原來，喺利君雅、唐若韞等「手足」滾蛋之後，喺「齊上齊落」嘅口號背後，仍然有人戀棧港台足以與公務員睇齊嘅優厚待遇，厚住臉皮咁苟延殘喘。李百全嘅下一發「小李飛刀」，好應該留番畀蘇敬恆，唔好畀黃友再有任何非份之想，認同請Like！

原圖：星島日報

https://std.stheadline.com/realtime/article/760405/

https://std.stheadline.com/realtime/article/1586287/