依靠住祖國母親強大嘅後盾，香港人大獲全勝，本土黑暴勢力面臨全殲，唯有改打「國際線」，仲要有咁高調就搞得咁高調，望就望美國「阿爹」同英國「契媽」千祈千祈唔好打完齋唔要和尚，過橋抽板過「手足」們一棟，令自己成為下一個用完即棄嘅condom仔。

如果你係羅冠聰或者許智峯之流，明知自己喺香港已經大勢去冇得再呃飯食，如果仲想靠眾籌搵「手足」笨實以維持自己體面嘅生活，打「國際線」呃飯食確實係一個唔錯嘅「出路」；但如果你唔係領導或者代表人物，偏偏又信咗某登講話「流亡」海外都要不忘抗爭，咁我可以好老實咁同你講一句，你打緊嘅並唔係「國際線」，「國際跣」就有你份！

希臘警方話你知：「自由」並非無限制

先排就有一個畀黃友讒言洗腦後跣到攤攤腰嘅好例子，真係有辦你睇。於《港區國安法實施》後「流亡」海外嘅城大學生會前外務副會長邵嵐，因早前同黨羽喺雅典衛城冬奧聖火燃點儀式會場展示港獨標語旗幟而被當地警方帶走，據報一度扣留26小時，親身體驗西方世界，仲要係民主發源地嘅民主自由！雖然話眾人最終獲釋，但希臘警方嘅做法已經表明，所謂「自由」並非無限制，你喺人哋地頭搞事，一樣要付出代價！

或者因為香港對待搞事份子實在太寬容，有黃毒份子自以為可以將過往喺香港所做嘅一套照搬外國，認真係很傻很天真，其實自己不過無名小卒，外國對其待遇又點同姓羅姓許等人？奉勸呢班人既然唔認自己係中國人離開香港，咁以後就安安份份，唔好再掛住香港人嘅名頭丟人現眼！

原圖：星島日報

https://std.stheadline.com/realtime/article/1763464/%E5%8D%B3%E6%99%82-%E6%B8%AF%E8%81%9E-%E5%89%8D%E5%9F%8E%E5%A4%A7%E5%AD%B8%E7%94%9F%E6%9C%83%E5%A4%96%E5%8B%99%E5%89%AF%E6%9C%83%E9%95%B7%E9%82%B5%E5%B5%90-%E6%96%BC%E9%9B%85%E5%85%B8%E8%A1%9B%E5%9F%8E%E6%8E%9B%E5%85%89%E6%99%82%E6%97%97%E8%A2%AB%E6%8D%95