黃黑組織摺埋一個又一個，近日終於輪到香港教育界最大嘅毒瘤——教協收檔，實在係莘莘學子之福，相信唔少家長一知道呢個好消息時都拍爛手掌！
教協正式解散，係咪代表之前種種一筆勾銷？梗係唔得啦！教協禍害香港教育界多年，惡行罄竹難書，之前更借出場地辧事處畀攬炒派宣傳以癱瘓政府為目的嘅「35+」所謂初選，被指可能涉嫌違反《港區國安法》。家陣教協自摺，諗住拍拍籮柚就當冇事發生？咁佢哋就真係太天真了！
教協選擇喺呢個時候宣布解散，其目的不言而喻，但如果教協中人以為「跳船」就可以自保，實在係癡心妄想，因為歷史早已說明，正義可能會遲到，卻永不缺席！無論教協解散與否，香港警察必定會秉公執法，為國家安全把關，任何反中亂港勢力，最終都會走上自取滅亡嘅絕路！
原圖：文匯報
https://www.wenweipo.com/a/202108/11/AP611315a4e4b08d3407d37a46.html
投票已截止，多謝支持
返回
