有報道指港台黃主持唐若韞主動遞信辭職，甚至不惜賠錢都要提早走人，原因係受唔住壓力。所謂壓力嘅來源，正正就係香港人嘅聲音，唐若韞涉嫌煽動台獨、抹黑新疆人權狀況，同外國勢力喺同一個鼻孔出氣，任何一個正常嘅香港人都唔會容忍，唐若韞可以呃盡天下黃絲，但又點封得住悠悠眾口？佢今次辭職，絕對係屬於每一個香港人嘅勝利！

然而除咗唐若韞之外，尚有一個利君雅未解決，亦都係港台目前最迫切需要處理嘅問題人物！

利君雅1月新簽120日臨時騁用合約，家陣都已經4月中旬，距離大限唔係剩返好多時間。我曾經講過，利君雅會走、必須走、一定要走！但為幫助推動新任廣播處長李百全對港台嘅改革，一定要有用嚟「儆猴」嘅對象，利君雅只能夠係被「革職」而唔可以係「離職」。依家唐若韞率先退場，最驚利君雅有樣學樣，提早走人，咁就真係太便宜佢！

港台黃主持，一個都唔可以放過，還請李百全盡快行動，即刻炒人，不要讓利君雅跑了！

原圖：港台節目截圖