無故曠工，竟然只係嘔翻冇返工嗰幾日嘅糧出嚟，而毋須接受任何懲處，可笑！

如此做法，竟然出現喺醫管局，一個關乎市民性命安危嘅機構，除咗可笑，更多嘅係可悲！

7000醫護趁住疫情爆發，策動政治罷工要脅政府，都只不過係扣幾日糧咁大把。醫管局如此姑息，對絕大部份謹守崗位，每日與死神擦肩嘅醫護人員嚟講，公平咩？上年黑暴亂港之時，香港警隊面對暴徒致命威脅，如果好似「醫管局員工陣線」班人咁，喺陣前做逃兵，香港今日會變成點？

香港第四波疫情爆發，每日確診已經過百，對醫護人員而言又係一場硬仗，但醫管局竟然喺呢個時候，講到明唔會追究之前罷工嘅醫護。面對新一輪疫情，真正嘅「白衣天使」當然會繼續留喺崗位上，冒住生命危險同死神搶人；但對於嗰班罷工醫護嚟講，係咪代表只要再一次大叫「罷工」，就可隨意置香港人性命於不顧，事後「回水」就當無數？

如果醫管局顧慮人手問題，中國地大物博，有嘅係人才，有乜好擔心？放生先例一開，必定後患無窮，當初呢班罷工醫護既然選擇咗拋棄香港人，今日香港人亦唔需要同佢哋講情面，必須逐一清算，以絕後患！

原圖：星島日報資料圖片

https://std.stheadline.com/realtime/article/1192955