「快必」譚得志今日凌晨發表一條短片，談論反修訂《逃犯條例》。快必表示，昨日是黃營兵分多路反修例，包括包圍升國旗的位置。可恨的是，快必竟在片中煽動黃友阻止七一回歸升國旗，似乎覺得咁樣就係好有用。

快必好開心咁指出，「今日（昨日）沒有升國旗與區旗」。快必話喎，好不滿別人指出國旗與國歌是國家的代表，我們要尊重，「要升旗呀，又話國歌唔可以噓，唔可以改歌詞」，然後就話「只係有幾十個年青人圍住，佢就升唔到國旗喇」。

大讚圍稅務大樓有智慧

快必驚死別人聽唔明，加一句：「各位市民要留意喇，咁七一要做啲乜嘢，大家明白啦呢啲嘢。」煽動包圍升旗位置，阻止七一回歸升旗儀式之目的顯而易見。

另外，快必又為昨日圍堵稅務大樓的暴民講好說話，指他們「唔畀人入，但畀人出」，所以不構成非法禁錮，仲大讚「有智慧呀呢班年青人」云云。

暴民政治抬頭下，快必這類政棍大行其道，正經嘢做唔多熱衷，旁門左道搞搞陣就開開心心，最鍾意阻住市民日常生活、社會日常運作。看到快必Facebook Banner的人民力量海報，上書「甦醒人心，啟迪民智」，再望望快必鼓吹的天才擾民行為，這是哪門子的「甦醒人心，啟迪民智」呢？

原圖：譚得志Facebook

https://www.facebook.com/767067873371162/photos/a.767071266704156/1105846282826651/?type=3&theater

http://news.takungpao.com/hkol/topnews/2016-10/3375732_wap.html