【HKG訊】熱血公民「小偷」鄭松泰出名鬼祟，他在元朗的議員辦事處開張，熱血公民就送了一個特別花牌畀佢增興，大大隻字寫「祝保住議席！」（見上圖）。有網民笑言，「唔知仲以為系（係）對家送黎（嚟）」。講真，司法覆核DQ議員官司，鄭松泰鄭議員榜上有名，甩唔甩到身都未知，所以熱狗祝佢「保住議席」，都咪話唔應景！ 事實上，鄭松泰乖乖地宣誓都叫有啲運行，可惜偏偏衰多手倒插國旗、區旗，更自己拍自己撻議員朵蝦前線警員的片段，頓時群情洶湧。本來鬼鬼祟企埋邊的他頓成眾矢之的，DQ佢的聲音不絕於耳。

DQ之聲不絕 有得震冇得瞓

鄭松泰日前仲冷眼旁觀死敵青年新政游蕙禎同梁頌恆變成「已完」，自然開心到不得了，仲抽水話游梁令本土派被人唾棄，自己有幾咁好云云。其實，佢內心好驚青，點解？喜歡養狗嘅鄭松泰毎月有九萬幾人工都不知幾寫意，不時在Facebook曬他同隻愛犬的相。如果因為自己低B而被DQ，份糧冇晒之餘，分分鐘仲要嘔凸，到時邊度搵錢買狗糧先？ 圖：鄭松泰Facebook https://www.facebook.com/profile.php?id=597000876&fref=pb&hc_location=friends_tab&pnref=friends.all

投票已截止，多謝支持