政改方案公布後，部份泛民議員拉大隊離場抗議，之後又有18人走到立法會大廳外嘅「扑咪」位接受記者訪問。咦，乜泛民議員唔係有27個咩？點解只得18人撐場？內裡隱藏乜玄機？ 隻抽俠屈指一數，缺席「扑咪」嘅泛民議員包括無出席大會嘅公專聯梁繼昌、獨立黃毓民，留喺會議廳內「泛民皆走我獨坐」嘅公民黨湯家驊、「拉布王」長毛，有離場但無去「扑咪」嘅就包括公專聯莫乃光、民主黨單仲偕同公民黨郭榮鏗、人力陳志全、陳偉業，夾夾埋埋，總共就有九件「失蹤的泛民」，當中部分人係咁講嘅：

梁國雄：今次是忍辱負重才留下來，目的是指出政府不是 湯家驊：我與泛民「唔係太夾」是公開事實，但我重申會否決方案（同埋呢……湯家驊無著嗰件心口打叉嘅T恤） 莫乃光：我覺得記者太「捕風捉影」，大家應該尊重湯家驊的表達方法(小記躺著也中槍......) 梁繼昌：我對方案感到不屑，出席會議對我來說是侮辱，所以留喺辦公室睇直播咯......(關扑咪咩事？) 郭榮鏗：係呀，我係跟咗大隊離場，但無去扑咪呀~~(咁就當答咗啦？)