侵侵吹雞要禁華為,但有啲嘢唔係出口術就得,愈嚟愈多國家決定唔理老美廢噏,其中德國早前亦表明唔想禁華為5G(請按此重溫)。眼見「朋友」唔聽點,好驚青嘅美國又再出言恐嚇,話用「不可靠」5G設備會危害與美國政府共享情報的機會云云。大佬呀,次次都係靠嚇一招,美國唔悶咩?
暗指華為不可靠
美國無嘢叻,最威就係玩抹黑,日夜唱衰。不過講得多就「狼來了」,各國都對霸權有所質疑。或有見及此,美國又再加多兩錢肉緊,美國駐柏林大使館發言人早前表示,如盟友使用由「不可靠供應商設備」發展的5G網絡,除自身將面對資訊安全與誠信問題外,亦會對盟友間的溝通做成影響。發言人指出,如出現有關情況將危害與美國政府共享情報的機會。此外,《華爾街日報》報道亦指出,美國駐德大使格雷內爾(Richard Grenell)去信德經濟部長阿爾特邁爾(Peter Altmaier),表明德國容許華為作為其5G網路建設會危害國安,又指無法確保華為設備沒有安全漏洞。
都係嗰句,華為遭老美瘋狂抹黑,就證明美國真係好驚5G市場會被華為主導!
原圖:Donald Trump Facebook
https://www.facebook.com/DonaldTrump/photos/a.488852220724/10162266728660725/?type=3&theater
投票已截止,多謝支持