好人有好報!新年流流最啱就係派利市同逗利市,有的哥將中國新年派利市這個良好傳統告知一家三口的外國乘客,並派了封利市仔給外國小朋友,因而發咗個小財!
話說該的哥在Facebook群組「的士司機資訊網 Taxi」分享其新年開心事。他表示大年初一時的「第一支旗」是接載一家三口外國人,途中因見外國小朋友生得夠趣緻,故派了一封10蚊利市仔給小朋友,之後更將中國新年派利市是「願帶給你們好運」的傳統告知了外國夫婦,並祝他們新年快樂。
網民讚的哥態度好
這家外國人好快學識咗中國新年習俗,到達目的地後也給了的哥一封利市。司機打開後,發現利市竟是500蚊大牛一張,令他非常驚喜,表示「Oh My God 真係恭喜發財啦!車租已搞掂!」
新年有好事發生,個人都寧舍開心。網民都好戥的哥高興,表示做好人就有好事發生。更有網民大讚的哥有好事發生,皆因佢態度夠好!
新年好有愛!其實收利市係一份小小心意,司機哥哥收到了外國夫婦的心意祝福,當然開心啦!呢個新年,大家係咪又收到好多滿滿嘅心意呢?
原圖:大公報
http://www.takungpao.com.hk/hongkong/text/2016/0615/2373.html
投票已截止,多謝支持