暴力就係暴力,點解仲倣效?三年前發生嘅旺角暴動,一幕幕燒車、掟磚、襲警嘅畫面,市民至今仍不能忘記。輸掉立會補選嘅工黨李卓人如今評論事件,疑似乎暴力獨友靠攏,竟指放喺全世界嘅暴力衝突上,旺暴只係「濕濕碎」,仲話唔應該排除勇武抗爭。如此說來,難道李卓人轉軚支持暴力抗爭?
唔應該話獨友唔啱?
李卓人接受媒體訪問時提及法國黃背心運動,當中示威者縱火、設路障,又指韓國亦時時有類似暴力事件,旺角暴動與呢兩個國家嘅暴力示威對比下,只係「濕濕碎」。李進一步大放狂言指,勇武抗爭未必無效,香港人唔應該排除呢個選項。佢指雖然自己同香港人都「未ready」好勇武抗爭,不過都唔應該將其視為洪水猛獸,更唔應該向「ready的人不對」。
李卓人言之下意是,佢自己印印腳,喺安全地方老遠咁支持獨友周圍放火打人,搞「勇武抗爭」?不管如何,這番暗讚獨友惡行的話,竟出自傳統泛民老政客之口,可見傳統泛民已經開始放棄扮好人理性,轉打暴力港獨選票的主意。
原圖:大公報
http://photo.takungpao.com/hk/2015-12/1426636.html#p=2
http://news.takungpao.com/hkol/topnews/2017-08/3487580_print.html
http://news.takungpao.com/hkol/topnews/2017-03/3431569_wap.html
投票已截止,多謝支持