為咗氹老婆，你可以去到幾盡？西安一個超級市場老闆可以去到為老婆停業一日！
西安有間24小時營業嘅超級市場冇啦啦唔開鋪做生意，一睇櫥窗貼嘅歇業通知，竟然寫住：「因為老婆不高興，所以停業一天回家哄老婆」事後有網民搵間店嘅老闆劉先生問究竟咩事，原來因為佢成日留喺間店度工作，好少陪老婆，而自己又唔太識講嘢，搞到老婆嬲嬲豬，所以佢決定停業一日，專心氹老婆！
最Sweet嘅係，劉先生一路答網民，一路開瓜子裝入個樽，網民問係裝畀邊個，佢甜絲絲咁答畀老婆。
真係甜到小編都有糖尿病喇！
原圖：網絡圖片
投票已截止，多謝支持
返回
