一個眼中只有錢嘅人，可以為香港謀福祉咩？話說已完劉小麗打算就被DQ九西補選資格提選舉呈請(請按此重溫)，不過錢從何來呢？放心，劉小麗早有準備，就係先搵守護公義基金孭一部分，唔夠嘅再搵黃絲開刀眾籌。點解佢當日宣誓搞事，最終一而再再而三要由市民找數？

有好處就我要 要畀錢就眾籌

劉小麗向黃媒話，自己將會喺選舉呈請期限屆滿前提出選舉呈請，呢家所有文件都準備好，只要等守護公義基金確認批錢，就會提出選舉呈請。不過佢一轉口就話，當中需要嘅錢好多，就算有守護公義基金資助，都要向市民撲水乞援。守護公義基金受託人鄭宇碩講到明，暫時仲考慮緊劉小麗嘅申請，但內部傾向支持資助。 劉小麗搞完事，拍拍屁股就走人，等全港市民同佢找數，有官司就「眾籌」，咁樣公平咩？點解佢唔為自己所作所為負責，賣樓打官司呢？有好處呀、曝光呀，就我劉大已完享受，要畀錢嘅就坐定粒六等支持者科水，劉小麗真係打得一手好算盤喇！ 原圖：大公報、劉小麗Facebook Page http://news.takungpao.com/paper/q/2017/0715/3473235_print.html https://www.facebook.com/siulai.hk/photos/a.360200160823700/1169391713237870/?type=3&theater

投票已截止，多謝支持