尊重國歌，不過唔支持立國歌法，梁家傑知唔知自己講緊咩？公民黨主席梁家傑日前出席電視節目《清心直說》，喺主持褚簡寧嘅質問下變得語無倫次，係都要死賴難定義咩叫唔尊重國歌，仲老吹到話有啲人會覺得奏國歌時係要反白眼。褚簡寧都忍唔住話，點解唔可以用常識(common sense)定義！

死撐奏國歌反白眼

梁家傑成日話尊重國歌，不過因為國歌法對侮辱嘅定義不清，所以唔支持立法喎。對此褚簡寧喺節目中正面質疑，話梁作為大律師，點解唔可以用常識去定義咩叫侮辱。梁家傑為求死撐居然問埋啲低智問題，話係林鄭月娥嘅常識、褚簡寧嘅常識定佢自己嘅常識。好心喇，常識就係大家普遍嘅共識，點會話係邊個㗎？

褚簡寧都聽到忟忟地，質問唔通有啲人嘅常識係認為奏國歌時係要反白眼。梁家傑都夠膽死話：「It can be anything（什麼都會有）」。

咁講法，原來梁家傑先係最冇常識嗰位，大律師喎！

原圖：無綫新聞截圖