畀人偷完嘢，唔嬲不特止，仲大讚小偷咁離奇？話說本月初，江蘇有間飯店畀小偷爆格，點知老闆事後居然無嬲，仲話自己「深受感動」，想請呢位小偷做員工喎！

稱想請小偷做員工

本月3日，2019年都開始得幾日，江蘇揚州某飯店就畀小偷「開年」，成7.5公斤臘腸被偷走。唔知老闆係嬲到反常定真係咁宅心仁厚，佢居然喺網上寫公開信，話自己被呢位小偷嘅行為感動，又大讚佢咁凍都去偷嘢係能「吃苦」，而最後成功得手，係「膽大心細、身手敏捷」，最後仲話想用月薪6,000人民幣去請佢。 之後老闆仲唔收手，拍埋片教小偷點處理啲臘腸先係最好味。睇來呢位老闆同小偷建立咗微妙嘅感情喎！ 不過有網民認為事情並唔係咁簡單，老闆不斷釋出善意，其實係想引蛇出洞，只要小偷一出現，就立即捉拿歸案！ 計小編話，係論老闆係真心欣賞小偷又好，係想引蛇出洞又好，偷竊嘅行為都係不可取！希望當局盡快緝拿小偷﹗ 原圖︰網絡圖片

投票已截止，多謝支持