犯完事仲要挑釁執法人員？呢個唔係電影情節，而係重慶嘅真實事件！話說重慶大足有個囂張賊仔，犯案時抬頭發現有閉路電視，佢不單唔知驚，仲好串咁向鏡頭舉中指。事後警方翻查閉路電視紀錄發現呢封「戰書」，自然嬲到震，喺網上「立誓」：「小賊，抓不到你算我輸！」結果事發短短半個月後，警方就捉拿呢位囂張疑犯歸案！ 天網恢恢，疏而不漏！犯事仲要串串貢，抵畀人拉喇！