忽然愛國嘅人抵唔抵幫？保釣行動委員會成員「救生員」兼「肥佬黎保鑣」郭紹傑以及嚴敏華，日前喺日本靖國神社外焚燒道具，畀當地警方拘留並以非法進入他人建築物檢控。二人家屬前日早上同香港入境處人員一齊去到日本，需要為每人各交500萬日元(約36萬港元，即合共72萬港元)保釋金及搵當地人做擔保，先可以保釋郭、嚴。

最快月中完成保釋程序

保釣行動委員會召集人曾健成話，二人家屬要到今日先可以探望郭紹傑同嚴敏華，並且最快月中才可完成所有保釋手續。佢又指，委員會暫時只有7萬元左右，「正在設法張羅」(唔知係問金主定籌旗喇)。曾健成又話，如果保釋成功，二人預計會喺2月上庭，最快4月審完，審訊期間不得離開日本。也就是說，佢哋可以名正言順暢遊日本。 講真，郭紹傑一向仇中上腦，今次腦子發熱忽然愛國一番，結果盛惠72萬元，都咪話唔「划算」呀！呢個故事教訓我哋，唔係愛國，就唔好夾硬忽然愛國呀﹗ 原圖︰保釣行動委員會Facebook Page影片截圖 https://www.facebook.com/diaoyuislands/

投票已截止，多謝支持