成績進步都有錯？細個成績唔好，師長會勸勉孩子努力讀書，但原來進步未必係「啱」㗎。來自美國佛羅里達州非裔女高中生，第一次考試成績唔好，第二次苦讀完先去考，成績突飛猛進，卻惹來當局取消考試資格，話佢考試分數異常喎！ 呢位可憐嘅女高中生叫Kamilah Campbell。Kamilah第一次報考SAT時得900分，根本無可能報讀心儀大學，所以就立志苦讀。皇天不負有心人，第二次考時急升330分，得1,230分！全家都好鬼開心，今次仲唔係入到夢寐以求嘅大學？

錯過報大學期限

點知呢個時候，美國教育測驗服務社(Educational Testing Services，簡稱ETS)話Kamilah考試分數異常(anomalies)，裁定成績無效。就算申請覆核分數都要至少要一個月，令Kamilah錯過咗1月向大學交資料嘅期限！ 嬲到爆嘅Kamilah強調自己冇出貓，決意討回公道，請埋律師幫拖！Kamilah嘅高中老師都力撐，大讚佢一直都係好學生，相信佢並無出貓。亦有好些佛州學生質疑，ETS對非裔學生有偏見，認定非裔學生不可能單靠努力進步。 其實年輕人可塑性咁高，成績大躍進好出奇呀？當然，孰是孰非仍不得而知，但如果查明Kamilah真係無辜，佢既被人耽誤了保貴的學習時間，同時係咪證明咗民主自由大國暗瓦底仲有好多不為人知嘅歧視等社會問題？ 原圖︰網絡視頻截圖

投票已截止，多謝支持