漢奸求救，你救佢唔救？上月南京大屠殺81周年前夕，人稱「肥佬黎保鏢」的蛇王救生員郭紹傑忽然愛國，與嚴敏華代表保釣行動委員會到日本靖國神社燒紙神主牌抗議，結果「光榮」被捕。「阿牛」曾健成接受「堅料網」專訪時，認衰話策劃行動時以為只會即捕即解，冇諗過要面臨審判，跪求港府幫拖，點知唔覺意撕破郭紹傑的「愛國」假面具，真口衰多口也。

曾舉雪山獅子旗

向來仇中上腦的郭紹傑，在佔中出期間出盡吃奶之力守護肥佬黎，成為一時的黃色佳話，其人有多愛國，不問可知。於是，此獠忽然熱血上腦，到靖國神社做場燒嘢騷，便顯得很是詭異，其人亦惹來一身蟻，分分鐘要長踎，現在追悔莫及，又是絕水，又是絕食(請按此重溫)。 阿牛作為保釣大佬，自然要為郭紹傑奔走相告。但好衰唔衰，阿牛竟爆出郭紹傑的臭史：原來郭紹傑曾經高舉過雪山獅子旗！換言之，郭根本是力撐藏獨、力撐分裂國家的漢奸！難怪有網民直言：「阿牛唔講，都唔知原來郭紹傑舉過雪山獅子旗，真係要搵出嚟畀中國外交部睇吓，呢啲人抵唔抵幫？」 你又覺得忽然愛國的漢奸抵唔抵幫呢？ 原圖：HKG報、大公報 http://news.takungpao.com/hkol/topnews/2018-03/3553890_wap.html

投票已截止，多謝支持