新年奇蹟!當大家歡渡除夕嘅時候,俄羅斯城市馬格尼托哥爾斯克(Magnitogorsk)一幢住宅大廈不幸因為天然氣爆炸而倒塌,至少7人死亡。但喺一片愁雲慘霧中,卻傳來一陣嬰兒微弱嘅哭聲,寂靜中指引搜救人員!結果,一名男嬰於被困35小時後,在元旦日被救出(黃箭嘴示),情況穩定,佢爸爸開心到極,形容囝囝獲救係新年嘅奇蹟!
頭部受傷 情況穩定
搜救人員指,喺-22℃極度寒冷嘅元旦當日,從瓦礫中聽到嬰兒哭聲,隨即聽聲辨位將呢位11個月大嘅男嬰救出。男嬰獲救時體溫過低,頭部受傷同有骨折,但幸而情況大致穩定。報道指,相信係男嬰被多層衣物被子包住,所以先可以捱至搜救人員發現。
希望呢位小男孩好快平平安安出院,健健康康長大!
原圖:網絡視頻截圖
投票已截止,多謝支持