有人做總統做到好似過街老鼠咁，有人就受民眾愛戴到出晒日曆。小編講緊邊個？前者咪美國侵侵，後者咪俄羅斯普京囉！俄羅斯總統普京唔單止喺政治上態度強硬，連外型上都被視為「猛男」，喺世界各地都有佢嘅粉絲，女粉絲特別多！呢家正值2018年年尾，各個商店都開始賣來年月曆。喺俄羅斯有商店為人氣爆登嘅普京推出月曆，仲賣到出日本添！
根據外媒報道，呢家喺俄羅斯街頭同網絡商店如亞馬遜(Amazon)都熱賣緊多款普京月曆，有賣溫情如抱狗狗、豹豹、熊熊，亦有賣肌肉嘅無上衣照片，滿足唔同粉絲嘅喜好！
眾款普京月曆唔單止受俄國市民喜好，喺日本都大受歡迎。有日本女性話畀普京嗰種毫無顧忌嘅大男人主義所吸引。
呢種人氣，侵侵恨唔到嫁喇！呵呵！
原圖：HKG報
投票已截止，多謝支持
返回
