榴槤飄香，有人極愛有人極恨。今次事件中嘅余女士應該就係後者喇！湖北武漢余女士近日上網抱怨一件發生喺地鐵嘅事。原來佢日前坐地鐵時，發現有位衣著得體嘅妙齡女子喺位到大啖榴槤，食得津津有味。
食到如入無人之境
然而佢嘅快樂卻建基於其他乘客嘅痛苦之上！大批頂受唔到榴槤氣味嘅乘客被迫提早下車。有人睇唔過眼，勸佢食榴槤就返屋企食，點知女子完全唔理會，食到如入無人之境。在場嘅余女士嬲到拍片放上網，怒斥女子行為唔文明！
其實喺車廂進食已經係唔好，呢家仲要食埋榴槤，唔通呢位女子榴槤癮起，連返屋企食都等唔切？
原圖：網絡影片截圖
投票已截止，多謝支持
返回
