原本同中國合作前途可以一片光明，可惜加拿大偏要擦美國鞋，強捕華為副總裁孟晚舟，依家累到中加自貿協定談判隨時告吹，加拿大分分鐘唔見560億美元（約合4383億港元）生意，仲唔係捉蟲？

中加關係越趨惡化

英媒《衛報》報道，加拿大吼咗好耐嘅自貿協定談判或陷僵局，唔少加國政府官員都擔心，中加關係惡化會帶嚟嚴重經濟損失。雖然加國為討好老美而爆出濫捕孟晚舟一事，但報道指出，其最大貿易伙伴––美國在關稅政策上一直咄咄逼人，美加貿易前景「艱難」而且「充滿變數」，所以同中國做生意變得格外吸引。

曾對協定充滿信心

報道又指，加拿大原本對中加自貿協定充滿信心，更雄心勃勃咁打算喺2025年將對華出口增至560億美元（約合4383億港元），加總理杜魯多曾揚言美國「毒丸協議」都阻唔到中加自貿談判，就知道佢幾想同中國合作做生意。美加經貿關係本來就因為侵侵亂徵關稅而搞到好緊張，今次仲要得罪埋中國呢個第二大貿易伙伴，加拿大睇嚟前途堪憂囉！

原圖：CCiTV影片截圖

投票已截止，多謝支持