嚴寒雖冷，但人間有情！內地一名教師有見校內嘅學生無錢買冬鞋，喺冬天仲係著住唔禦寒嘅薄鞋，凍到成腳都長滿凍瘡，所以決定儲足一年嘅工資，為每個學生買一對新冬鞋。呢份對學生無私嘅愛，好值得大家讚賞！
湖北丹江口市大溝林區有個26歲青年教師楊耀翔，上年見到學校裡嘅學生衣衫破爛，唔少仲因為無錢買冬鞋，而喺冬天時對腳生滿凍瘡，每行一步路都要強忍痛楚。楊老師於心不忍，就開始默默咁儲錢開始可以喺下一年嘅冬天為全校62位學生買鞋。
就喺今年11月，楊老師儲足一年工資，終於為全校所有學生買咗新鞋。有學生話自己咁大個仔都未著過咁好嘅鞋，希望以好好學習去回報楊老師同父母。
希望呢62位收到鞋嘅學生，可以好好學習楊老師嘅無私精神，以生命影響生命！
原圖：觀察者網
https://www.guancha.cn/politics/2018_12_10_482731.shtml?s=zwyxgtjbt
投票已截止，多謝支持
返回
