內地同胞來港消費,帶動本港經濟,咁都有錯?話說早前新民主同盟環保霸權兼本土仇中友譚凱邦聯同獨友王進洋喺東涌搞事,刁難內地遊客,美其名「光復東涌」,其實係「幫」香港趕客。對此,立法會議員葛珮帆喺《東方日報》撰寫專欄文章,直斥「光復」係港獨嘅變種,又質問究竟東涌有咩需要「光復」。
葛珮帆以〈「光復東涌」倒香港米〉為題撰寫文章,指港珠澳大橋才剛剛開通,設施及配套出現問題並不出奇,然而卻有人借住搞光復行動,挑起兩地矛盾,倒香港米。
文章指,旅遊業係香港嘅重要產業之一,關係到數十萬家庭的生計,又指香港「好客之都」名稱得來不易,如今搞事友卻公然破壞呢個形象。葛又指班搞事友唔係執法人員,卻對內地旅客執法,係挑戰香港法治。
最後文章質疑,「光復東涌」班人高舉「光復」嘅旗號,然而「光復」嘅意思係恢復已滅亡嘅國家,反問作為中國特別行政區嘅香港有甚麼要「光復」。
獨友亂講嘢當食生菜都唔係第一日,只係估唔到咁離譜!
原圖:香港電台截圖、譚凱邦Facebook Page
https://www.facebook.com/Roy.Tam.Hoi.Pong/photos/a.673439509377269/1676499055737971/?type=3&theater
投票已截止,多謝支持