「民主大國」再次話你知乜嘢叫「新聞自由」！美國總統特朗普昨日在白宮舉行記者會，期間有CNN記者提出唔啱侵侵心水嘅問題，即刻被小氣侵當場喪鬧，並派人搶咪。該記者其後被取消白宮記者證，禁止再入白宮採訪。

發爛渣搶記者咪

CNN記者阿科斯塔（Jim Acosta）質疑侵侵的難民政策時，侵侵似是被戳到痛處即時發難，發爛渣大叫：「夠了，放下咪高峰！」一名白宮女實習生隨即上前搶咪。侵侵更人身攻擊阿科斯塔：「CNN應為有你這樣一個員工感到羞愧，你是一個粗魯和差劣的人！」其後有數名記者續向侵侵提出質疑，但不是被打斷提問，就是被侵侵誣蔑為報道「假新聞」，總之佢唔啱聽嘅通通唔畀問，乜嘢新聞自由都係假！

CNN鬧爆係報復

白宮發言人桑德斯其後發聲明，指控阿科斯塔把手放在白宮女實習生身上云云，宣布取消阿科斯塔的白宮記者證，明眼人都知發生咩事喇。CNN批評侵侵擺明就是報復，形容取消記者證的做法威脅美國民主；白宮記者協會亦發聲明譴責，要求白宮撤銷決定。

侵侵再次刷新「新聞自由」新定義！總之我侵侵總統大晒，話唔得就唔得！呢啲咪就係「民主大國」囉，你懂的！

原圖：觀視頻片段截圖