明明香港事務就唔關英國事，點解仲要成日指指點點？甚至被指有捐款畀搞事友時唔敢認？一班正義市民琴日喺英國駐港總領事館前集會，譴責英領館時時疑似想干涉香港事務，又提及華人民主書院曾拎英領館錢做活動經費，英領館一直都話最後係無畀錢，卻死都唔肯講原因！行得正、企得正，點解要咁含糊以對？

民間團體「政中香港人」約30名成員昨日到英國駐港總領事館前，抗議英領館企圖干涉香港事務，及抗議英領館曾支持華人民主書院搞事，並指其一直無解釋清楚事件，係「敢做不敢認」！

市民：香港一早已回歸

集會召集人劉先生指，英領館的撥款通常用在教育、文化交流等範疇，而撥款給華人民主書院唔係學術交流，而係涉及敏感領域。佢認為，呢件事件雖然最後獲批但冇畀錢，但已經令香港市民生疑，認為英領館應該畀公眾一個明確的交代！

成員林先生直斥「類似事情不應該再發生」，指香港一早就回歸中國，英國唔應該再無故干涉香港事務。

好心英國醒吓啦！依家已經唔係殖民地時期啦！

原圖：大公報

http://www.takungpao.com.hk/news/232109/2018/1025/194326.html

http://www.takungpao.com.hk/news/232109/2018/0721/191409.html