無腦仇中友無論去到邊都係本性不改，好似有侵侵「(前)國師」之稱嘅前白宮首席策略師班農，他接受澳洲廣播公司訪問時表示，澳洲對中國嘅政策唔夠強硬，又透露特朗普將準備升級行動，全面對付中國喎！嚟咪嚟，怕你咩？

慫恿澳洲即同中國交鋒

據悉，呢位侵侵嘅狗頭軍師喺今年初已經同侵侵「決裂」咗，但正謂敵人嘅敵人就係朋友呢個道理就放諸天下皆準，班農喺離開白宫後依然四處搞搞震，今次就趁中國同澳洲關係緊張大放厥詞，受訪時大肆批評話剛離任、反華反上腦嘅前澳洲總理特恩布爾仲未夠強硬，應該「立即與中國正面交鋒」。班農前國師意猶未盡，仲話侵侵會再將貿易戰升級，全面對付中國咁話，恐嚇勒索味道相當濃烈，似乎當正自己仍在其位。 班農「鬥噏」，再次證明反華友盲反上癮，真係咩都講得出！不過佢都好清醒，係叫澳洲同中國正面交鋒，而唔係叫美國衝到最前，叫人送死，有傻仔上當關我鬼事？可見美國為咗贏，真係咩都做得出。對住呢啲小人，中國更加唔應該退縮！一於撐國家抗衡到底！ 原圖：Steve Bannon Supporters Facebook、Donald Trump Facebook https://www.facebook.com/SteveBannonSupporters/photos/a.1847136878645914/1937068446319423/?type=1&theater https://www.facebook.com/DonaldTrump/photos/a.488852220724/10161424111135725/?type=3&theater

投票已截止，多謝支持