港府年頭DQ咗提倡民主自決嘅香港眾志周庭,然而獨友又點會咁輕易放過香港?一直被外界指為香港眾志Plan B的區諾軒在立法會港島區補選時,一邊話自己唔係Plan B,一邊又同班眾志仔拍住上。之後當選,更被揭每月用9萬蚊請眾志仔做自己嘅助理,令人不禁諗到兩者之間係唔係有利益輸送。對此,一名為正義發聲的中學教師特地向廉政公署投訴,質疑區諾軒涉違反《選舉(舞弊及非法行為)條例》,涉嫌在選舉期間作出「虛假陳述或具誤導性的陳述」。好心區諾軒就出來解釋吓!抑或佢唔夠膽出來講嘢?
向廉署投訴的老師蘇子冠認為,區諾軒事實上就是香港眾志的Plan B,河童黃之鋒、羅冠聰之流嘅眾志仔以議員助理身分「借屍還魂」,進入立法會。他又指,區諾軒除涉嫌虛假陳述與香港眾志的關係外,其自稱「擁護基本法」、「不支持『港獨』」,與他之前焚燒基本法樣本、支持自決的行為及立場相異,也涉及虛假陳述。蘇批評指,廉署在事實愈來愈多清晰之下,仍遲遲未有行動,因此他已去信廉署投訴,希望它正視案件,還市民清廉的選舉。
原圖:無綫新聞截圖、文匯報 http://paper.wenweipo.com/2018/04/11/YO1804110006.htm http://news.wenweipo.com/2018/03/13/IN1803130063.htm
投票已截止,多謝支持