旺暴案中，暴徒終受法律制裁，入獄找數本是天公地義嘅事，唯獨有班港獨分子依然死心不息，表示要聲援暴徒梁天琦等人，昨傍晚就喺尖沙咀鐘樓前擺檔乞求市民簽名，以博支持。不過好明顯絕大部分人都唔想理佢哋，據《文匯報》記者在現場觀察，擺成粒鐘檔先得個1個人簽名，呵呵，直頭好似兜口兜面畀人摑咗一巴，認真抵死！

獨友搞活動遲大到

按《文匯報》報道，人稱「金金大師」梁金成帶同數人到尖沙咀鐘樓前擺檔，不過唔知佢哋係咪知道今次只係做吓騒，唔會有好多人支持，所以原訂6點開始嘅活動，佢哋就施施然6點半先現身，喺現場擺幾塊「香港冤獄」、「You are not alone」等等嘅紙牌，行行企企當交差就算，結果企咗成個鐘先得一個人簽名，然後眾人就無癮離開。 班獨友真係唔知個醜字點寫，好明顯就冇人想撐你哋！市民早已經看穿獨友真面目，唔會再信佢哋，好心獨友就自己收檔啦！ 原圖：文匯報、大公報 http://paper.wenweipo.com/2018/06/18/HK1806180023.htm http://news.takungpao.com.hk/hkol/topnews/2016-07/3349569.html

投票已截止，多謝支持