喺反對派眼中，樹命仲緊要過人命？位於港島半山馬路旁的兩棵老樹有塌下危機，政府欲砍樹以保障市民安全，但陳淑莊聯同許智峯、區諾軒及譚凱邦等偽環保友一於好少理，話砍樹等同「毀滅香港人歷史」，所以要阻撓政府喎。陳淑莊連事關人命嘅塌樹危機都要政治化，有市民聽到嬲到爆，當場串佢：「收聲啦！陳淑莊妳住邊度呀？」完美KO青面雞！

懶理居民死活？

據了解，兩棵老樹位於港島半山般咸道馬路旁，近年不斷傾斜，風季來臨時甚有機會塌下釀成人命傷亡，政府昨委派工人到場砍樹，但陳淑莊等反對派議員現身阻撓，口口聲聲質疑政府無盡力救樹喎，令行動被阻達九小時。有市民怒極串道：「收聲啦！陳淑莊妳住邊度呀？」又有市民質問，若不幸塌樹，係咪佢哋負責？更有市民怒罵陳將事件政治化，完全冇理居民死活。 陳淑莊嘅邏輯真係只有佢自己先理解到，有咩緊要得過人命？妳口中嘅「香港人歷史」嗎？如果真係塌樹令人死亡，喺受害者角度嚟講，生命失去後嘅歷史又有咩意義？為咗政績而將所有事情政治化，不惜草菅人命，陳淑莊良心會過意得去嗎？ 原圖：陳淑莊Facebook、大公報 http://news.takungpao.com/paper/q/2018/0521/3570898.html https://www.facebook.com/tanyachancp/photos/a.10151856573590733.1073741844.230625005732/10155904393800733/?type=3&theater

投票已截止，多謝支持