民主黨立法會議員許智峯強搶保安局女職員手機，惹來全城怒轟、各界嘩然，連黨友都搵唔到護短理由，即使做騷也好，都要演番part「揮涙彈智瘋」，希望達到三國時諸葛亮「揮涙斬馬謖」的效果——十萬大軍卻盡為馬謖悲泣！可惜啊！許智峯實在太小學雞，佢又點可以同馬謖比啊，馬謖的「街亭之敗」，究其因並非是驕傲自大，實是魏將張郃兵力多過佢。當然，這只是小說家言，史實是馬謖病死獄中，根本不存在「揮淚斬馬謖」的事。 馬謖死得有點冤枉，而許智峯則完全咎由自取。最可笑就係佢讀法律出身，而今卻死於完全不知法，阿哥，小學生都知道「不問自取視為賊也」，而佢竟然環抱女EO、粗暴無禮搶人手機，賤格到飛奔入廁所偷睇人家私隱十多分鐘，肅穆的立法會大樓竟然「賊出沒主意」！

唔DQ點息眾怒？

堂堂一個立法會議員，做埋啲咁下流卑鄙嘅行為，自己唔DQ自己又點息眾怒？民主黨前主席劉慧卿頭腦最清晰，明言許智峯不適合留在民主黨及出任議員！而現任民主黨主席胡志偉率其餘四名黨員出來鞠躬致歉，G報「民主黨三鞠躬別峯鴿」視頻好搞笑，筆者特別留意前排四人即右起涂謹申、胡志偉、黃碧雲、尹兆堅道歉時，頭都算耷得低，而後排個位高大衰林卓廷則不情不願，個頭明顯同前排四位「脫晒節」，傾斜少少仲未夠兩秒就擔返高，唉！咁勉強咁冇誠意就咪出來道歉啦！家陣仲衰過冇道歉！ 講開民主黨，自司徒華呢位黨鞭去後，果然應了「將軍一去，大樹飄零」，白鴿黨一蟹不如一蟹，之前搞出個林子健「十字架釘大髀」疑自編自導自演事件，已經瘀皮到爆，大家記憶猶新， 忽然又整單日光日白在立法會強搶女EO手機風波，認真係沒有最低B，只有更低B！之不過，日前胡志偉出席電視台又話許智峯單嘢若面對刑事檢控，要等法庭裁決才決定其去留。身為黨主席，立場搖擺不定，大是大非面前仲要攬住個計時炸彈，民主黨之沒落，神仙難救矣！

鴿黨人醜聞不絕

白鴿黨成員醜聞不絕，李柱銘自認要「日日做漢奸」、涂謹申渉嫌詐騙公帑、何俊仁在議事堂公然在iPad 性感女；更有黨員到東莞嫖妓被公安捉去勞改等，花招認真層出不斷。唔通掛住「民主」個招牌，就可以到處招搖，醜事你哋都睇我唔到？ 物以類聚，人以群分。睇怕只有反中亂港嘅壹傳媒老闆黎智英，才會拍片盲撐野蠻許智峯「有幹勁有操守」；梗係，以黎智英的「操守」觀，揑造新聞屈人叫雞、偷拍女星換衫都係碎料閒事，家陣許智峯搶手機啫又冇拉埋個女EO入廁格搜身搶胸圍底底，睇吓有冇搜到摩斯密碼，使唔使又要彈劾又要切腹咁大陣仗啊！而一班比許智峯更低B嘅如黃痴瘋之流才會「與許智峯同行」。 香港之所以成為反智社會和禮崩樂壞，其實多得呢班痴人！ 原圖：許智峯Facebook https://www.facebook.com/huichifung913/photos/a.402989486549920.1073741830.178843345631203/895250210657176/?type=3&theater

投票已截止，多謝支持