最近香港傳媒界可以說是「弟影重重」，那頭有人想賣盤做契弟都做唔成，這頭又立即有大班甘做契弟，放棄香港做返加拿大人...... 叫得大班，大家都知道佢係咩人。根據壹仔報道，最近佢在網台D100的新春團拜上突然自認做「逃兵」，宣布「封咪」返加拿大溫哥華定居。

特朗普上任 cut海外使費

究竟件事突然到咩程度？有同大班相熟而又移居加拿大嘅資深傳媒人話，連佢都唔知道呢個消息。 大班宣布做「逃兵」，咁留低D100條爛帳又點收科呢？ 順風耳剛剛查過土地註冊，發現佢所住嘅種植道21號大宅冇成交紀錄，問過地產經紀，亦冇聽過鄭經翰要賣樓嘅消息，冇賣樓的理由並非唔想，而係間屋有僭建物被釘契中。 鄭大班拍拍屁股走人，放棄香港做返加拿大人之後，D100個爛局有誰來收拾？問題是有誰願意在幕後支持繼續捱下去，還是一年半載後才正式摺埋？ 有知情人士叫大家從這方向想，如果以前有外力出大份支持D100，但時移世易，特朗普上任後大cut非軍方的海外秘密使費，所以到了今天，水盡河乾之勢清楚了。此其一。

好快睇到D100摺埋一幕？

其二者，知情人士問大家兩個問題，大家想猜誰是D100新老細，請回答以下：大班一向最老死的老細是誰？答案貼士是超人第二代還是蝙蝠俠第三代？第二條問題是大班左右手Morris Ho一向的真老闆是誰？三個字姓名的貼士，姓陳李張黃何，一三四五都錯！ 最後再來一條問題。是背後只剩此人，究竟他會為D100和中央對著幹下去多久呢？六個月，一年？ 呵呵，風水輪流轉，大家可能好快睇到D100摺埋嘅一幕。 原圖︰D100影片截圖、星島日報 https://www.facebook.com/D100HK.M/videos/1563451883767060/ http://hd.stheadline.com/news/daily/hk/613841/

投票已截止，多謝支持