春節去咗泰國曼谷放假，同埋一班老友，打波、泰式按摩、民間美食，真係好疏乎，其中一天，去了新近落成的Part Hyatt酒店頂樓Penthouse食午餐，居高臨下，盡覽週邊美景。

酒店傍邊便是英國大使館，位處曼谷市中心，好似香港置地廣場的核心位置。一大片青蔥土地，在二月頭，陷入財困的英國外交部，宣佈以4.2億英鎊(約50億港元)將大使館物業售予泰國地產商Central Group及香港置地聯手的財團，創下泰國最大宗土地交易記錄，使這座在1922年建成的漂亮物業黯然脫手，昔日的大英帝國，要變賣家當以解財困！奈何奈何！！！

國有國運

中英兩國，在過去的40年，國運各走極端，中國由一窮二白變為全球第二大的經濟體。而英國就日落西山，一升一降，真係唔到你唔信，人有人運，國有國運。

最攞命就係在2016年6月英國卡梅倫(James Cameron)首相，睇錯市，押錯注，無端端舉行脫歐公投，結果52%選票支持脫歐，現首相文翠珊(Theresa May)在7月接替辭職的卡梅倫，任英國首相，經濟持續滑波，今年GDP下調至1.7%是2012年來最低，也是G7集團表現最差，脫歐影響了消費及企業投資，以及英倫三島可能因脫歐留歐分歧而一分為四，令英國自我解體，總之是問題一籮籮，聽到都頭痛，而政府內又有硬脫歐與軟脫歐的爭拗，對文翠珊的首相位構成巨大威脅。

在2月訪華，英國得到習大大熱情招待，並取得豐盛的成果，簽署價值1000億港元的商業交易，中英在雄安和青島共同建設科技和創新產業園，雙方交易所啟動「滬倫通」等等大合作。

英國落索

但好像撞邪一樣，文翠珊回英後，她的國防大臣又大放厥辭，要與美日澳共組聯盟，派英國戰艦往南海巡邏，什麼以保南海國際水域自由，你話係唔係做倒米壽星，這是英國政府內部的失控問題，行動撞章，真係邪門！！

我希望香港的泛民反對派，睜開眼晴。不要再望英國政府捍衛中英聯合聲明，什麼維護一國兩制，英國是冇心又冇力，陳方安生民主阿婆與舊上司肥彭，唔好再碌舊卡，間中來港亂講夢話，嘥氣，英國，真係一子錯，滿盤皆落索。

原圖：大公報