人稱「長洲覆核王」的英國公民郭卓堅，昨日在Facebook公布「特大消息」，指立法會議員何君堯被廉政公署立案調查。有傳媒就此事向何律師查詢，何表示不知道，直言若真有其事，廉署必會通知他，故質疑郭卓堅從何得悉事件？他批評郭卓堅的做法涉及洩密或誹謗。

黃營素來仇視敢言有吉士的何君堯，郭卓堅自然不例外。郭卓堅不知從何處收到消息，竟在Facebook巧叻叻咁發帖宣布：「特大消息：何君堯被廉記立案調查..選舉舞弊及虛假声(聲)明。」

「狗年都未到喺度亂咁吠」

對此，何君堯向傳媒表示，他會去信廉署了解，若發現自己真的被調查，那也是他跟廉署之間的問題：「幾時輪到你呢條粉腸喺度阿芝又阿佐，喺度亂咁吠呀，狗年都未到。」串爆郭卓堅多事。何律師還說：「如果冇嘅，咁我就會同佢計數嘞，就係誹謗㗎啦喎，你居心何在呀？」換言之，何君堯言下之意，即是無論他有冇畀人查，郭卓堅都涉嫌犯法。

根據《防止賄賂條例》，未經許可或沒有合理辯解，披露廉署受查人的身份、有關事實或細節即屬犯罪，可罰2萬元及監禁1年。相信大家還記得，社民連大嘍囉吳文遠因此而惹上官非，3月初受審，未知下場如何。只不知郭卓堅又會否甩難，被人「網開一面」？

原圖：大公報

http://news.takungpao.com/paper/q/2017/0912/3492497.html

http://news.takungpao.com/hkol/topnews/2017-09/3498052.html