一子錯，滿盤皆落索！浸大撤雙恥停學令，隨時陷萬劫不復之地！劉子頎及陳樂行，因佔領校園而被勒令停學待查，二人早前向受害老師致歉，校方竟因而心軟，決定重新審視二人的停學令，及至今日更撤銷之。教育者，理應當仁不讓，劉陳二人，時至今日，仍覺得佔領所為並非過失，輕易撤令，錢大康校長，日後你又如何服眾呢？

聆訊如期月中舉行

本以為錢校長敢作敢為，無懼攻訐而施以懲罰，可惜現卻一時心軟，改變態度，相信不少人會大感失望。錢校長向師生發電郵，指劉陳道歉後，曾與學生輔導長見面，又稱二人承諾不會重蹈覆轍，最終停學令終被取消。而錢大校長亦希望二人會從錯誤中學習。

事實上，劉陳二人道歉的是否有誠意，實在大有疑問。以下是學生會Facebook上的回應校方帖子全文，請大家看看當中措詞態度，一起判斷他們的道歉有幾誠心？

【就錢大康解除停學令之回應】

本會收到通知，指錢大康已經撤回對本會會長劉子頎以及陳樂行同學嘅停學令。本會認為今次事件係一次對抗爭嘅打壓，縱使係短短一星期嘅停學，亦足以反映校方橫蠻無理、無視程序公義。共媒在外對二人口誅筆伐，校方在內重罰學生，中共、浸大合作無間，務求令兩位同學永不超生。

上星期五，超過三百位同學，喺賽馬會廣場聚集，反抗校方嘅制度暴力。最終，校方聽取同學聲音，將兩位同學嘅停學令解除。但呢一件並唔係值得慶祝嘅事——停學令乖悖常理，解除停學令只不過係重回正軌。錢大康嘅信件內，亦未有解釋《學生紀律處理程序》第10.1條唔再適用嘅原因。可見，引用條例都只不過係為濫用程序塗脂抹粉。

不過，兩位同學嘅停學爭議就此告一段落，希望浸大師生、社會各界都將目光聚焦喺普通話豁免試同埋普通話畢業要求上，繼續監察浸大校方。

香港浸會大學學生會
二零一八年二月一號

原圖︰大公報
http://news.takungpao.com.hk/paper/q/2018/0127/3538161.html