當仇中上腦到一個點，真係會令人變得冇晒底線？為盲反普通話，浸大學生會會長劉子頎竟帶住一班「爛仔」大學生圍堵教職員辦工室長達8小時，期間對住教師粗言穢語不斷，有外籍女教師出面好言相勸，希望學生安靜等待回應，竟換來惡言相向，有人對其大吼：「收聲啦，唔好同個『八婆』講嘢！」無禮之極！

拍門大罵兼叫囂 竟叫老師Shut Up

根據最新流出的片段，10數名浸大學生在劉子頎帶領下包圍其中一名老師的辦公室，拍門大肆叫囂，要求查看有關普通話評測的文件。一名外籍女教師要求學生耐心等待：「Can you wait? (請你等等)」，竟有學生叫她「keep you mouth shut! (閉嘴)」，真係唔敢相信呢番說話竟然由學生對老師講嘅；更有學生質疑：「Why we have to wait?(為何我們要等待)」好似流氓惡霸咁，你話要就要即刻畀到你睇，仲有規矩嘅？學港專陳校長話齋，學校無規矩不如摺咗佢喇！

唔當老師係老師 何必當佢係學生？

究竟呢班爛仔學生真係太無能，定係因仇中而盲反普通話？其實都已經唔重要，重要嘅係，尊敬師長係好基本嘅做人底線，既然呢班爛仔唔當老師係老師，學校又何必當佢哋係學生？支持浸大校長錢大康企硬，踢晒呢班搞事份子出校，捍衛浸大校譽！

原圖：文匯報

http://paper.wenweipo.com/2018/01/21/YO1801210011.htm