我住港島半山區，習慣早出門，飲早茶，然後上班，每朝早七時左右，車程經過特首官邸、亞畢諾道、蘭桂坊、雲咸街，都睇見眼火爆的周街垃圾，特別在蘭桂坊至雲咸街的一段路，個個垃圾桶都塞爆滿瀉，旁邊還有一袋袋的垃圾袋，滿載酒樽，幾個穿外判制服的清潔亞叔大嬸彎晒腰抬那些又重又危險的酒樽垃圾，這些令人心酸的情景，環保署高官、食環署大爺和蘭桂坊之父Allen Zeman的老闆們一定都睇唔見，或者是睇見都當做睇唔到。做完生意，本來是自己處理，或搬去垃圾收集站的食物殘渣、酒樽，都隨手放在街邊，由清潔工執手尾，真係唔應該、唔公道。
返回
