有啲人係咪以為自己係立法會議員就身份尊貴，可以目中無人打橫行？事緣今朝8點左右，公民黨議員楊岳橋開住佢部黑色戰車，沿中環添華道出夏愨道時，一嘢撞落一部的士嘅車尾，幸而的士司機無大礙，唔係楊岳橋做乜都補償唔到！

笑笑口冇悔意

根據黃媒《蘋果日報》報道，楊岳橋當時打算由小路出大路，但竟然「冇為意」路況就向前衝，結果撞到前面部的士都凹埋！的士司機冇事真係執返身彩。好在宜家好多車都有裝車cam，想走數都難！楊岳橋唯有無奈承認係自己「大意」，「我落車道咗歉，係我錯。」表示願意賠償，但係就畀《蘋果》影到佢神情輕鬆仲笑笑口，表現得毫無悔意。

當自己係權貴？

身為大律師嘅楊岳橋應該好清楚交通法例，但佢居然做出呢種罔顧其他道路使用者安全嘅危險駕駛行為，同草菅人命有咩分別？莫非佢真係以為立法會議員大晒？撞完人講聲唔好意思就當冇事發生？請大家畀嬲以示憤怒！仲要Share出去畀更多人睇到呢條狀棍有幾咁無賴！ 原圖：楊岳橋Instagram、力恆車行、cars.com https://www.instagram.com/alvinyeungnk/ http://www.lhmotor.hk/ https://www.cars.com/research/land_rover-discovery_sport-2015/

投票已截止，多謝支持