雖然宣誓辱國辱華玩大咗被DQ的「已完」游蕙禎早就是成社會公敵，遭到左中右都痛恨，但她偏偏得到《蘋果日報》厚愛，不時獲《蘋果》專訪維持曝光。 《蘋果》趁著明日終審法院處理游蕙禎和梁頌恆DQ案的終極上訴許可，再次搵到機會訪問游蕙禎。眾所周知，游梁如果再敗訴，就要孭住最少1200萬堂費及議員薪津等債務，市民非常擔心這兩隻攞納稅人血汗錢買PS4、靚酒及鬆弛熊的衰人憑啥回水？ 報道中，游蕙禎自稱現在搵到工做夠生活，但試過衰到要攤大手板問屋企人借錢接濟。不過講到回水給納稅人，她繼續潑皮上身，聲言「你就算charge我幾百萬，我還唔到畀你咁有咩分別啫？好似郭伯伯(長洲覆核王郭卓堅)咁講，破產咪破產囉冇所謂㗎！」連郭卓堅都攞出嚟當神主牌擋煞，擺出爛命一條的衰樣。

一切繼續是政府的錯

宣誓風波過後，游蕙禎完全變成過街老鼠，但《蘋果》好識做，畀機會游大談自己如何改過自身。宣誓惡行差不多一年過去，游蕙禎聲稱自己「的確有所成長」，惟實情如何，不得而知，只知她在報道中沒有反思己過，而是繼續覺得千錯萬錯都是政府的錯，說甚麼「我唔會覺得入唔到立會係可惜，用可惜形容反而係抬舉呢個政府」，「錯嗰個係政府點解我要喊？始作俑者係政府」。 可能由於籌旗不力錢唔夠使，報道花了不少篇幅讓游蕙禎大談對反對派非同路人的看法。搞笑的是，本土派、港獨友痛恨傳統泛民及自決派，素來肆意攻擊，但游蕙禎近日一反常態，不時鬼祟遊行撐泛民，又在專訪中毫不臉紅地自稱看到不少人被判加刑入獄，「我喺集會係爭啲忍唔住喊」，又說「之前大家理念未必完全一致，但見到朝住同一個目標嘅人相繼入獄，呢樣嘢係比自己喺入面更加難受」，變化之大，令人骨痺。究竟是否眼見泛民及自決派吸水能力較強，所以臨急臨忙變陣討好其支持者，只有游蕙禎本人知道了。

蘋果游蕙禎各取所需？

題外話，不知是《蘋果》對游蕙禎「另眼相看」，還是游蕙禎本人當自己是小明星任拍唔嬲，故報道充斥著游食嘢、買餸相，還滿佈生活照，連煮豉油雞隻雞嘅相都Po一餐，甚至連「係咪單身」都出了一隻Sidebar大談。看來，游蕙禎好擔心破產怎麼辦，故要搵位宣傳籌旗，而《蘋果》小記小編則好關心游蕙禎的宅女生活，這個報道就啱啱好各取所需喇﹗ 原圖：大公報 http://news.takungpao.com.hk/hkol/topnews/2016-12/3397976.html http://hk.apple.nextmedia.com/realtime/news/20170824/57118475/

投票已截止，多謝支持