游梁宣誓辱國辱華被DQ案終極上訴定於8月25日開審，不過兩大已完未審先被提前判「死刑」，皆因法援署唔批法援，理由是他們無合理勝算﹗換句話說，游梁請英國御用大律師而用公帑埋單的如意算盤打唔響，仲被睇死終審必敗無疑，N盤冷水照頭淋，都咪話唔Hurt呀﹗

8月27日開審 律師費超級貴

我哋再計計條條，兩人一拖再拖繼續拖住唔肯回水合共160萬給立法會，又要支付之前兩場官司的訟費，加上這場終極上訴還聘來英國御用大師彭力克(Lord David Pannick)及本地資深大律師李志喜，價錢高得嚇人，你估吓游梁究竟「賖」、欠咗幾多街數？ 可惜呀，游梁形象實在太差，得罪太多自己人，所以想將自己的低能惡果轉嫁給支持者的夢想破滅，眾籌籌旗500萬打官司反應極差。有報道指，游梁近乎「脫水」，家陣連法援這個希望都冇埋，要自己攞錢為三場官司埋單，你話點算呢？

破產都救唔返 自作孽不可活

可能游梁覺得，尚有最後一招——爛命一條破產去也﹗但別以為破產後乜事都冇，全港市民追到天腳底也不會放過你們的﹗呢啲咪叫「自作孽，不可活」囉﹗ 原圖：大公報 http://news.takungpao.com/hkol/topnews/2016-12/3397976.html

投票已截止，多謝支持