人稱「狗達」的熱血公民過氣頭目黃洋達同老婆陳秀慧（皇后）真係好似廣告所講，去旅行去到盡，短短5年間就去咗11次旅行，腳毛留遍三大洲。 近日，一個叫「香港癲佬力量」的Facebook專頁精製咗張圖，圖文並茂咁力數狗達兩公婆5年間去咗11次旅行，近至台北、墾丁、東京、大阪、首爾，遠至英國、葡萄牙甚至加拿大都都有。「香港癲佬力量」乘勢抽水，大「讚」佢兩公婆實踐「旅遊抗共」，叫一眾熱狗繼續課金，更「溫馨提示」話課金的三成會畀《熱血時報》做「行政費用」喎。

網民恥笑：自己食屎供佢哋食龍蝦

黃洋達素來乞人憎，網民自然對佢兩公婆唔客氣，直斥佢哋「大種乞衣」。有人串力撐課金的熱狗陰功豬，大嘆「世上死蠢何其多」。更有人話啲金主「正傻Ｘ」，「自己食屎供佢哋去食龍蝦」。 畀人踩到上心口喎，一向好易扯火的皇后就在Facebook大力反擊：「嫌我一年都只係兩次寒酸咗少少？數上去數多十年嘛，法國德國瑞士澳洲英國新加坡台灣泰國北京上海仲有好多trip都好正的。」將一年兩次出門形容係「寒酸」？堅離地成咁，一大群人當然食住上，起勢咁話佢侮辱一年可能連一次外遊都無嘅基層市民，同埋好多一年只得7日至14日年假嘅打工仔。

被質疑拎課金去玩 無支援社運人士

「九東黃洋達招待處」Facebook專頁乘機代入咗狗達抽水，話皇后唔滿意「癲佬」無講佢之前去法國、德國、瑞士、澳洲等地，以為人哋覺得佢好寒酸，「其實佢真係一條死蠢Ｘ，唔明人哋係想話我哋拎晒啲社運課金去旅行，唔係去搞社運支援『義士』」。 本來半年出一次埠就好平常，衰在佢兩公婆經常搵班熱狗課金，呢頭呻無錢，果頭去旅行，自覺慘被出賣的一眾熱狗及花生友，想唔話佢兩公婆Cap水去豪遊都幾難矣！ 原圖：陳秀慧Facebook https://www.facebook.com/sausau

投票已截止，多謝支持