長毛又喺議事堂上爆粗﹗昨日立法會保安事務委員會開會，講到多個立法會議員被拒入境澳門，長毛又發作爆粗，借題發揮發大鬧澳門官員。不過，今次委員會主席陳克勤理佢都費事，由得長毛廢噏。 長毛議會爆粗前科多籮籮，今次字典上身不斷拋書包：「呢個澳門嘅Figurehead（首腦，也可解作傀儡），即係元首，佢係Shithead（白癡、蠢蛋），即係草包！」又鬧指「崔世安嚟香港唔畀佢嚟得唔得呀？當然唔得啦！係咪呀Figurehead，佢係Shithead呀！我再講一次呀，唔畀人入境都係Shithead！」 其他議員梗係聽到嘩嘩聲，分分鐘連泛民自己友個心入面都媽媽聲呀﹗唔知長毛是否心虛，補鑊話「Shithead」並非粗口。算把啦，文盲如小編都懶得查字典去駁佢，更何況係主持會議的陳克勤？陳克勤都費事同佢爭論。

再挑機陳茂波 不斷發噏瘋自High

到下午的財委會開會繼續審議亞投行撥款，長毛又挑機主席陳健波，「漏口要道歉就唔好做主席喇阿哥，成日疑似粗口咁點搞呀？」之後繼續大晒英文單字，又Dickhead（粗話）、又Thickheaded（愚笨）、又Shithead 、又warhead（彈頭）。無獨有偶，陳健波費鬼事理佢，冇中到長毛故意被逐的詭計，一於要佢坐足，唔畀他白支人工！ 泛民議員在議會上的行為愈來愈低劣，唔立法，齋廢噏，爆粗鬧人變成議會新常態，不單止教壞細路，更令議會文化如爛仔鬧交一樣，納稅人都幾冇癮㗎。 圖：大公報 http://photo.takungpao.com.hk/hk/2015-11/1426202.html#p=5

投票已截止，多謝支持