自從黃毓民日前撰文話退出政壇，話要讓路畀年輕人，更指出一旦出現補選，青年新政的游蕙禎及梁頌恆定必參選，他個人「基於政治倫理，我決計不能與梁或游去爭奪一個原本屬於他們的議席」云云。馬上引來熱血公民同城邦派的圍剿，實行上演「狗咬狗」連續劇。眼見癲狗教主黃毓民眾叛親離，自號城幫派國師的陳雲都忍唔住加入戰團，實行踩多兩腳，更號召支持者要與黃毓民對著幹，出盡全力打擊及杯葛青年新政及其他所謂自決派參加補選。

借特朗普抽青政水

陳雲今日在Facebook發玏話，港獨派去了美國，「機會來了，本民前、青年新政得到美國特朗普支持啦，快些轉軚啦，仆過去啦，順便仆埋去泛民那邊，取回鄉證返大陸，前途一片光明啊。」 又話，如果他是特朗普，一定克制習近平，支持青年新政補選成功，將港獨派輸入立法會，之後，香港就有了自己的伊斯蘭國，中共永無寧日。 仲話，「識時務者為俊傑，快些放棄城邦派，加入支持港獨派的陣營啦。時代革命、世代交替，畀D(啲)機會後生仔、後生女啦。老嘢陳雲out咗啦。轉軚跟青年新政先會發達ga(㗎)。陳雲唔識得轉軚，窮死一世，無謂一齊啦。」 陳雲擺明同黃毓民過唔去，指明搞港獨的青年新政如果入咗立法會「香港就有了自己的伊斯蘭國」。叫大家睇清楚他們的真面目，一定唔可以放生游蕙禎同梁頌恆！不過陳雲究竟是否暗想叫教主唔好退繼續參政呢？ 圖：無綫新聞截圖

投票已截止，多謝支持