自號城邦派「國師」陳雲在Facebook繼續與青年新政游蕙禎駁火，為清明時節添上不少笑彈。話說國師對游蕙禎窮追猛打，又說游已完爆旗袍相係為補選鋪路，又串她咁憎中國卻用淘寶貨；游已完則出文反擊，又再自信爆棚地再爆旗袍相，仲整句《古惑仔》電影對白「我東星耀揚今日黎（嚟）collect your skin」，擺明想收國師皮。（請點擊此處重溫相關報道）

本土派打殘 賴游梁係鬼

陳雲今日繼續狙擊游已完，但冇再指名道姓，而係些牙了粉絲大談本土滅亡過程的帖文：「所謂本土派，最初只係指分配資源時『港人優先』，再前啲就自命『小華夏』同文化建國，但青政就推到去中國化，結果就打殘咗其他本土派，自己又自殺死埋，連自己嘅行事方式都中埋招……」 這番話充分反映熱普城為何視本民前、青政為仇敵，因為覺得游蕙禎、梁頌恆係鬼，累死所有本土派。網民回應就一針見血指，「有人買先有人賣。都要有啲柒嘅肯買，佢地先有市場嘅！嗰時好多人buy本土，其實只係因為呢個term夠型。至於本土二字有咩內容，好少人在乎。一到港獨出台，更加型，就吸引咗唔少人。對於呢啲人，本土同港獨只係另一種sound bite。邊個sound bite夠吸引就去邊。香港政治嘅特色係sound bite政治。內容係乜，有幾柒，唔重要。個sound bite夠響，選舉時吸到票就得」。

講乜都係假 只有回水真

其實游梁兩大已完一直用呢種口號式手法去吸引選民，而且成功謀得立法會議員席位，只係自己低B斷送大好「錢」程。不管如何，游梁已是本土派、民主派以至建制派人人喊打的過街老鼠，而家最緊要是千祈咪畀他們走數，一定要他們回水！ 圖：游蕙禎Facebook https://www.facebook.com/cbenso?fref=ts

投票已截止，多謝支持