【HKG訊】唔怕貨比貨，反對派近排經常籌旗，可惜吸水能力認真麻麻，反而收了不少遲吓先用得上的陰司紙，搞到個個以收陰司紙為榮。今次就輪到公民黨郭榮鏗。
話說郭榮鏗昨晚在Facebook上載一張相，指自己日前派利是給下屬的同時，自己亦收到陰司紙，更形容為「厚禮」。
只見相中有「支持者」寄出的一疊仔面額1,000蚊的陰司紙，還好有心地寫了幾句「祝福」的說話，說郭「格衰、樣衰」，又祝他「新年一路走好」。
郭自言未有理會，甚至懶風趣指第一次見到面額較小的陰司紙，又指經常聽黨友收到，今次輪到自己見識一下。
埋單計數，近排陰司紙長收長有，陳淑莊收了200萬、姚松炎收完100萬後還多收一疊1,000蚊，反而郭榮鏗只有可憐的一疊仔1,000蚊。下面通脹有幾勁，相信大家心中有數，郭榮鏗吸「水」能力咁削，不單止錢唔夠使，款額更連犯眾憎的游蕙禎、梁頌恆(至1月27日籌得60萬元)都不如！郭榮鏗可能是時候自我檢討一下喇！
圖：郭榮鏗Facebook
投票已截止，多謝支持
返回
