【HKG訊】新年流流，浙江寧波雅戈爾動物園昨日有一名男子不知何故走入虎山並被老虎襲擊噬咬，園方開槍救人失敗，釀成人虎皆亡的慘劇。 不管怎說，發生這樣的事情都是令人傷心的。但想不到的是，綜觀蘋果Facebook報道下的留言，竟以幸災樂禍者居多，並多提及「內地」、「大陸」等字眼，例如： Shermen Chau：除左「抵X死」之外……我諗唔到可以講咩…… Kwong Virginia：大陸人，多是愚蠢，沒有知識，沒有危機意識，不懂正確處理事情，横不講理的，多的是。 管理人員的政策及行動，也不懂得處理事情......多的是，哀哉...... Chow Benny：可能強國太多假貨，以為係紙老虎 Joe Tsang：大陸人真係乜都敢死，上次個女人走出嚟比老虎擔左(咗)都唔驚，今次又來一單～ Chow Wai Kei：啲動物留係大陸真係好唔安全，明明隻老虎冇做錯野(嘢)，係個命賤既男人去挑逗隻老虎，而隻老虎係做返自己保護自己地方同同伴先會對個男人作出攻擊，咁點解最後死嗰個係隻老虎？我怕遲啲個動物園嗰啲動物咁樣比人整死，rip 凡此種種，類似的留言多不勝數，截至今日中午12點，有關帖子已累積逾萬個like及「哈哈」，對比只有不足八百個「慘」，難道這是值得like的事情？還是因為死者是內地人，便是抵死的？是否睇得反中《蘋果》多，就會反吓反吓反到失去理性，反到變成失去同情心的冷血動物？ 其實惻隱之心，人皆有之，而那位內地男子的真正死因未明仍待調查，當中有一種說法是為救誤闖虎山的兒子而以身犯險。萬一事實真是這樣，那些口出冷言的《蘋果》讀者良心過意得去嗎？會否感到絲絲愧疚？ 圖：https://www.facebook.com/hk.nextmedia/