俄烏戰事打咗兩年多，向來都係俄軍佔優。近排烏克蘭士兵恍如打了雞血，幾勇！

烏軍至本月攻入俄羅斯庫爾斯克州，目前仍與俄羅斯軍隊戰鬥。俄羅斯總統普京22日指烏軍在當日凌晨，試圖攻擊庫爾斯克核電站，國際原子能機構（IAEA）經已知悉事件。此事普京未有提供詳情或證據，烏方亦冇評論。

事實上，烏軍8月18日公開炸毀第二座大橋的航拍畫面；此外，又揚言已佔領庫爾斯克1150平方公里，控制80多個村鎮並俘虜俄軍數百人。實際呢次行動，得美國撐腰，使用了美製M142高機動多管火箭系統等。有評論指，烏軍嘅突襲未能殲滅俄軍主力，不過俘虜百多名俄羅斯兵對烏東戰局未能達到圍魏救趙目的，尋且犯了分兵嘅大忌。

以攻入俄境一萬多烏軍，要固守到手嘅俄羅斯領土都未夠，遑論「劍指莫斯科」。從炸橋行動可見，烏克蘭總統澤連斯基根本無意繼續深入進攻。美國亦一早指明不能直接攻擊俄國本土，如今越境反攻俄羅斯，恐怕亦不過想為日後爭取更多嘅談判籌碼。

然而，澤連斯基這趟政治豪賭，相信並不易得逞！觀乎普京「我自巍然不動」，佢照舊出訪車臣，同中國國務院總理李強會面，自信滿滿，哪裡有西方媒體廢噏俄羅斯即將戰敗的絲豪痕跡？這場突擊，相反提供普京更大規模戰爭動員的良機，烏軍要守住所佔俄土，意味要建立穩固的後勤補給線，以烏軍之力，恐怕不易，更大可能被困於俄境內，庫爾斯克成了死局！俄羅斯國防部甚至表示，烏軍自從8月6日攻入庫爾斯克以來，累積損失了超過4700人以及68輛坦克。普京向烏克蘭放狠話：敵人將得到應有的反擊！

普京：「將用盡一切手段應付」

要言之，得美英精良武器之助，烏軍忽然神勇有跡可尋。俄羅斯大早警告，如西方武器用於攻擊其領土，「將用盡一切手段應付」，烏軍勿高興得太早，烏克蘭想長期佔領庫爾斯克州，都真係發夢都冇咁早。普京說過：俄羅斯領土確實很大，但是沒有一寸是多餘的。澤連斯基如盲頭烏蠅，一味對俄境內設施大搞破壞，這只會激怒普京而彼此更難可以坐下來和談！

此時此刻，有指俄方情報顯示，美方不滿澤連斯基情緒日益高漲，甚至質疑有否必要向烏提拱軍事援助，再加上澤連斯基正採取鹵莽行動，或使目前緊張局勢升級到遠遠超出烏克蘭領土範圍，因此已與烏方反對派制訂計劃，爭取踢澤連斯基下台。

事實上， 俄烏戰事係西方與俄羅斯的軍事較量，在代理人澤連斯基不能完成規定任務時，換掉戲子總統並非不可能嘅選擇！何況佢嘅總統職責於今年5月21日就已終止。

美國總統大選還剩下約2個多月，看來民主共和兩黨為爭取選票，根本亦無暇兼顧俄烏戰事。何況，美國更關注中東局勢，美卿布林肯N次到中東斡旋就知！去基輔已是今年5月中旬之事。時移世易，澤連斯基點睇都係扶不起嘅阿斗，而普京的俄羅斯對比下強大得多！要言之，澤連斯基好自為之，切勿失去理智炸完大橋再炸核電廠，否則普京必提早「用盡一切手段應付」，屆時就恨錯難返轉頭！

原圖：Володимир Зеленський Facebook

https://www.facebook.com/photo.php?fbid=3652569031660113&set=pb.100007211555008.-2207520000

文章純屬作者個人意見，並不代表本報立場